Beauty Fashion Relationship Living Gossip Members
Views: 4019    20/6/2016    12:49
夏日美妝二三事:遠離粗糙肌之誌(下集)

啱啱過咗2日假,唔知SIS們有冇去沙灘曬下,同做咗2016年「夏」水禮未呢?

利伸:小編已經下咗水好耐但全部都係夜晚發生,無計啦年紀大咗好容易出斑,唔可以咁青春成日咁曬法。

今日嚟到下集嘅<<遠離粗糙肌之誌>>,唔知上集嘅建議大家又試做咗未呢?希望真係幫到SIS們解決皮膚問題,但都係啦呢啲二三事真係唔會兩三日就有成果,真係要持之以恆落去先見到成果。而家就分享埋餘下3個夏日膚Must-Do-Process畀大家參考參考吧!

間斷地每週動起來

  想身體健康好多人都會做運動,但其實運動除咗強壯體魄,操fitbody 著衫靚啲,好處仲多籮籮!心肺功能強啲,血液循環快啲,新陳代謝好啲,咁皮膚都會靚啲,面色亦會紅潤啲。

 

按摩通淋巴是必須的

  做運動係就係好好,不過要付嘅代價都幾大同埋咁熱嘅天氣你需要更大決心。所以小編就畀多個alternative 你,每朝堅持用雙手順著面部肌肉紋,慢慢咁按摩幾分鐘,可以促進其血液循環同細胞分泌,按到有少少微暖仲能夠令皮膚骨膠原增加。

 

 

飲食入手 加強皮膚營養

  水果蔬菜含豐富維生素,所以多食新鮮嘅蔬菜同水果能大大增加皮膚復原能力,補充因為夏天陽光同天氣帶嚟嘅侵害,加上夏天咁酷熱,食返啲清清涼涼嘅沙律就啱哂,高維生素之餘又健康又低卡路里,如果嫌太dry可以加啲雞蛋、麵包碎、蜂蜜、胡椒…去調一調個味道,加促皮膚代謝。

#Tagging
                             
K!W!
其他文章
Login with Facebook

Not yet reviewed by any member. You can be the FIRST one to write a review.
還沒有發表評論,您可以成為第一位發表評論的人。
Top 10 Beauty 美妝