Beauty Fashion Relationship Living Gossip Members
Views: 5820    22/12/2014    17:00
GoGo!跟著老公去挪威

在香港這個彈丸之地,天各一方的戀人,再遠,也不過是上水與中環之間的距離,兩小時車程剛剛好!但假如所愛要離開並長stay外國,你又會怎樣縮短彼此的差距?例如像今期主角阿淳一樣,出嫁從夫去!

 

 

 

 

 

S  阿淳與TK經常去旅行,這相便是攝於菲律濱長灘島

 

追女仔 橋唔怕舊

問:「不如講吓你哋相識嘅經過同佢點樣嬴得美人歸。」

答:「其實我同TK(現任老公)係大學同學,year 1已經識得,一開始都已經係friend,其實成件事好老土,佢係一開始已經表晒態話鍾意我嗰啲,嗰陣我本身已經有男友,但佢都一副擺明居馬係等我嘅姿態。之後佢向我表白我都冇諗過答應,之後亦都同佢斷咗來往一排!直至year 3先一齊。

 

S  阿淳&TK@冰島

 

 

平淡美 簡單 postcards 甜蜜

問:「佢有冇咩特別嘅追求攻勢?」

答:「諗返轉頭又真係無,冇好特別嘅驚喜之類喎!可能你問佢會比較清楚啲,哈哈哈哈~~~可能我係受眾,所以冇好深印象,就算平時温書都係成大班同學一齊,我哋都好獨立,唔係好痴纏嗰啲!(有冇收過咩特別嘅禮物?)我自己都比較實際,都唔想佢送啲咩名貴或者花呢類禮物,我情願佢用啲錢一齊食餐好嘅仲化算!而且我哋一齊咗但有好一排都各自喺唔同國家做嘢,所以最經常收到嘅禮物都係 postcard!」

 

S  阿淳&TK@西藏

 

內在美 永恆的魅力

問:「到底佢有咩咁吸引你?」

答:「唔……咁佢一定唔係高大威猛嗰類囉!哈哈哈哈哈~~~~我覺得主要都係相處,同佢一齊好舒服,佢亦好信任我,同埋佢係一個幾聰明、有計劃嘅男仔,自學能力好高,呢方面俾到好多安全感我,佢可以將所有嘢都安妥當,感覺自己被照顧得好好」

 

 

S  阿淳&TK@柬埔寨

 

簡單愛 不需要戒指

問:「最後佢做咗咩先至嬴得美人歸?」

答:「我哋拍拖咁耐都冇搞啲咩好形式化嘅慶祝,anniversary 嗰啲都從來冇,所以求婚佢都完全冇咩book餐廳、戒指同求婚嗰啲情節,冇任何set up㗎!係有次同佢傾開將來同佢要stay挪威工作,提到 working VISA 呢類嘅話題,咁就講話不如下年結婚,成件事都係傾出嚟,好自然咁,佢連求婚都冇㗎!(那麼婚禮也是從簡?)因為信仰關係屋企人想我喺返church 度搞,但我哋都好怕香港嗰種食唔飽,又要笑到『梗』晒嘅婚禮,所以最尾飛咗過意大利搞個小型啲嘅婚禮,親戚朋友都當係旅行咁過去參加我哋嘅婚禮再周圍玩!」

 

 

 

S  阿淳在佛羅倫斯行教堂的婚禮(太美了~~~~!!!)

 

最緊要 學好挪威文

問:「對挪威嘅first impression係點?生活係咪好悶?」

答:「都唔會,可能我係一個適應力好強嘅人。依家最主力係學好挪威文,一個星期上兩堂,另外就做吓義工咁,得閒都係玩吓手工藝同睇書咁,其實都係好平凡嘅事。(用英文喺挪威係咪溝通唔到?)嗰度係年輕一代比較容易可以用英文溝通,年紀較大嗰啲普遍唔識英文,加上想快啲喺當地搵到工作,所以學挪威文都係必須!」

 

 

 

S 行禮當天,兩人在vintage fiat 花車上

 

歐洲人 冷莫與熱情之間

問:「北歐人同東西歐人會唔有好多分別?」

答:「北歐人比較冇熱情,唔同意大利同西班牙人嗰啲咁熱情同 cheerful,同埋好多時佢地都係有一大班由細玩到大嘅朋友,就唔會再好主動去識其他人,所以鄰里之間都唔會話經常有交往,加上佢地好 family originated ,所以對親友以外嘅人比較唔熱情!」

 

Flexible 工作的正確態度

問:「北歐人出名生活較悠閒,當地嘅工作環境係點?」

答:「北歐一般嘅 working time 係早上8點至下午4點,但係其實仲可以再flexible啲,例如自己可以就返接小朋友返/放學嘅時間,OT嘅時間又可以儲埋第二日就放早返啲咁,只要你做晒當日嘅工作就算早走老闆亦都唔太會管你!(點解可以咁好?)係呀,我都唔知。香港啲工作模式真係太唔健康,好似有啲人做晒野好似都唔敢早走咁!」

 阿淳&TK ( 要幸褔喔<3<3<3 !!!!!!!)

 

好政府 生活有保障

問:「北歐人有冇啲咩比較特別嘅習慣或者生活態度?」

答:「佢地係唔一定要結婚,例如有唔少 case 係生咗小朋友一齊組織家庭,但原來都係未結婚,咁都可能係因為北歐政府 so far 嘅制度都可以好保障到市民嘅生活,貧富懸殊問題亦都唔會嚴重,而對小朋友嘅褔利同保障都唔錯,所以家長都唔會太覺得需要好實在嘅婚姻去保障下一代!另外,同普遍外國人嘅心態一樣,唔會特別覺得 sex 係一件好 serious 嘅事,亦唔會因為同對方有咗 sex 就會覺得段關係會有改變。」

 

後記

在香港,有樓有鑽戒先結婚已是一種「港式自然生態」,還有一大堆週年紀念、甜言蜜語及鮮花禮物作陪襯,去「證明」自己是幸褔的,但似乎在真愛面前,一切物質上的支撐,也是莫須有!

 

 

阿淳的 Facebook 專頁:我的港式挪威生活

 

 

【延伸閱讀】

 

書店奇緣 我的異國愛情故事!(上篇)

我的美籍「奇洛李維斯」老公(上篇

情訂浪漫法蘭西<3 (上篇)

 

 

版權所有 不得轉載及翻印(詳情請參閱本站的服務條款)

#Tagging
CTG Fashion     Shopping bag     挪威     Norway              
Lizzzy.C
其他文章
Login with Facebook

Not yet reviewed by any member. You can be the FIRST one to write a review.
還沒有發表評論,您可以成為第一位發表評論的人。
Top 10 Fashion 時尚