Beauty Fashion Relationship Living Gossip Members
Views: 4521    12/12/2014    15:45
我的美籍「奇洛李維斯」老公(下篇)

 

繼續上一篇的專訪,到底「奇洛李維斯」老公有多可愛?兩人婚後生活又是怎樣?這次將會為大家帶來這個故事的更甜蜜部份!

 

 

 

我的Fiancé Visa

原來根據當時美國政府規定,男女雙方如已準備結婚,非美籍的一方是可以申請一個名為Fiancé Visa」的居留簽證,只要倆人在90天內正式在當地註冊結婚,非美籍一方便可擁有當地居留權!「其實當時好多人都會揀去美國旅行,然後喺當地直接註冊,就可以順理成章咁拎到居留權。但我又唔想好似『黑市』咁嫁過去,所以就名正言順咁申請個 Fiancé Visa,等咗半年佢批咗,再過去結婚!

 

 

My Mr. right

話說回來,熱愛西方文化的Pinky在澳洲讀書後早已有移民澳洲的打算,對於未來老公是位外國人自然也不意外,但除了老公Joseph的西方人性格外,還有什麼獨特之處,令Pinky會樂於把下輩子的時間都留給他呢?

 

「相對於外國男生那種outgoing的性格,Joseph比較內向同靜,唔煙唔酒唔蒲唔吸毒,有齊晒係做老公嘅優良條件!佢又好老實同坦白,可以坦白到連佢所有ex-girlfriends啲好同唔好嘅過去都一五一十同我講晒,連我都話你唔好咁坦白得唔得!另外我最欣賞係佢可以好dedicate to我哋之間嘅感程,呢種安全感係真係令我好 appreciate 同願意 make commitment

 

 

意大利裔美國的老公

提到 Joseph 的樣貌,不是很USA的金髮藍眼,細問之下,原來他是意大利裔美國籍人!「記得有次行街試過有人問我佢係咪香港人,又有人問過佢係咪mix,因為佢個樣真係唔係好唔『鬼仔』!」

 

內向是否等同悶?那真是見仁見智,但在Pinky手中,Joseph 其實就像個大細路一樣充滿童真卻又有點 shyshy!「佢好鍾意Disneyland!佢啲family gathering 成日都會去,另外佢又好多朋友都係做 Disney,感覺上佢十足大細路咁,啱啱識佢果陣仲有啲奇洛李維斯嘅感覺,幾吸引!

 

 

 

情有獨鍾亞洲女生

訪問當天 Joseph 也在場,確實如 Pinky 所言,是個很靜的男生。感覺完全不像意大利人那般熱情,反而真的有點亞洲人的影子!Pinky 便爆料說原來 Joseph 的朋友圈普遍都是亞洲人,這確實挺令人意外!「可能佢性格關係,同外國人玩會有啲格格不入,反而同亞洲人玩就舒服好多;加上佢好迷戀亞洲文化,鍾意睇日本 animecomics 同 band!所以朋友圈幾乎全部都係亞洲人!

 

 

 

婚後遊世界

結婚後,兩人終於不用再天各一方!亦真如不少年輕 couples 一樣,很想過多幾年二人世界,所以把造人計劃一拖再拖,兩人專人環遊世界!「結婚後雙方父母都問,所以我哋都係採取拖字訣!自問我哋都好鍾意去旅行,但有小朋友就唔可以咁自由!」台灣、香港、日本及意大利等等,Joseph 與 Pinky 兩人都十分 enjoy 每個二人trip,除了是彼此的興趣,更相信是 rewind 戀情的好方法!

 

不過,Sweet trip 之中,Pinky 對 Joseph也有少少「不滿」!「記得有次去意大利,Joseph 佢雖然係意大利裔,但其實一句意大利文都唔識講!咁有一次我哋去意大利旅行,事前佢好認真咁學意大利大,點知 term out 去到佢一句都唔敢講,問路嗰啲都唔肯出聲,搞到全程要我指住本旅遊書去問人!唔知係咪真係男人都唔鍾意問路!

 

 

可愛的Alexander

雖然生B計劃一拖再拖,直至結婚近 年後,囝囝 Alexander 便出生了!(超可愛的 Alexander,單是笑容已經令筆者溶化了<3<3<3 )不過照顧小孩確是一項艱巨的任務!「我們都覺得一個便已經足夠了,因為單係湊 Alex 已經好吃力!今次都係第一次帶埋佢出國旅行,過程真係唔容易!所以 Joseph 都擰晒頭話唔想生第2個。」對於這,筆者還真是感到有點可惜呢!畢竟混血的小 Alex 實在太可愛了,能擁有多幾個如此萌的 也真是挺幸褔的啊~~~~~<3

 

 

 

 

 

 

 

 

 

 

 

偶然的小爭執

基本上,婚後兩人的生活十分溫馨甜蜜,幾乎連 Pinky 自己也記得起何時有吵過架,只要在湊小朋友上偶然會有些分歧!「好似喂 Alex 飲奶呢件事咁,我們想邊喂邊睇電視,但佢就唔俾我咁做,覺得會令到小朋友分心,容易令佢地從少養成唔專注嘅壞習慣。佢有佢嘅一套湊仔理論,咁大家呢啲位就互相遷就,都唔會适係吵架,只係意見唔同啫!

 

 

 

儲錢的難題

在 Pinky 心中,Joseph 基本上没什麼缺點,但當然同樣有著普遍西方人的習性,某程度上也可說是「缺點」,那便是儲錢習慣!「西方人真係冇儲錢習慣,有幾多就駛幾多!雖然 Joseph 喺佢 family 當中算係節制啲,但一樣係會駛好多錢去買 game,但買嚟又未必會玩晒;加上外國人好習慣貸款,亦唔會覺得俾利息係件好唔抵嘅事!」不過在 Pinky 的不停薰陶下,Joseph 也總算有點「開竅」!

 

 

 

 

後記

25歲結婚,基本上是很多女生曾經的理想結婚年齡。而 Pinky 也很 lucky 地在25歲一年完成了這項人生偉大的創舉!Again,相者得愛,誰敢擔保說自己不會轉角遇上愛?

 

 

PinkyJoseph的故事開端:我的美籍「奇洛李維斯」老公(上篇

  

Pinky  Facebook 專頁:美妻日誌

 

 

【延伸閱讀】

 

書店奇緣 我的異國愛情故事!(上篇)

意式限定浪漫戀

情訂浪漫法蘭西<3 (上篇)

 

 

版權所有 不得轉載及翻印(詳情請參閱本站的服務條款)

#Tagging
CTG Special     美國     Shopping bag                   
Lizzzy.C
其他文章
Login with Facebook

Not yet reviewed by any member. You can be the FIRST one to write a review.
還沒有發表評論,您可以成為第一位發表評論的人。
Top 10 Fashion 時尚