Beauty Fashion Relationship Living Gossip Members
Views: 5574    7/11/2014    14:51
書店奇緣 我的異國愛情故事!(下篇)

求婚大作戰

「講到求婚,Brett佢其實從來都冇諗過會有咩花樣,係直到有一次遇到一個啱啱訂婚嘅朋友,講開嗰位朋友嘅『被求婚』過程,又包戲院又拍片,最後原來全場啲觀眾都係女方嘅屋企人!嗰個時候Brett話見到我聽到雙眼發晒光咁,然後佢就realize到,原來求婚係要有啲standard嘅!我後尾問返,佢話雖然我冇明講,但我個樣好明顯係好受落呢一套(哈哈哈哈)」如是者,Brett便為Saron準備了一個驚喜的求婚party!一個有點傻氣,卻又窩心的男人,怎可能拒絕?

 

「佢bookIFC(第一次約會嘅地方)上嘅一間酒吧,叫晒我啲朋友同屋企人嚟,求婚過程中唱咗首歌,然後就跪低。」重温起被求婚當晚的片段,Saron依舊一副甜蜜蜜的樣子,而且還強調求婚比結婚更叫她開心enjoy「結婚好多嘢要煩要搞,好似做場show俾人哋睇咁;相反求婚就係喺自己唔知情嘅情況下發生,似係一班人表演俾你睇,感覺開心好多!」

S Brett 浪漫又感動的求婚

 

婚後破事兒

從浪漫熱戀到走入教堂,前後不到2年的時間,當愛情昇華至細水長流的生活,磨擦自然少不免,不過甜蜜的倆小口卻從不吵架!「媽咪一直都照顧得我好好,所以家務上我自己真係乜都唔識,有一次洗厠所,Brett認為係好基本嘅生活細節,所以有啲忟我點解可以完全no idea要點做!於是我就主動請教佢應該點做,又唔會話為咗咁小事就嘈!基本上我哋相處都好和諧,有咩問題都平心靜氣講,唔會等個問題『留過夜』,所以so far都冇嘈過交!

S  Saron的老爺奶奶來港探望和參加倆人的香港婚禮

 

 

外國男VS 港男

港男港女,似乎都有條洪溝,大家都互數不是;甚至很多港男認為香港女生「媚外」。當然,吃不到的葡萄是酸的,在行為及心理素質上,外國男生與港男,同樣有一條深溝(當然也有例外)「真係好唔同㗎!簡單嚟講相處落你會feel到大部份外國人都好postive,而比較之下香港人就negative啲!」

 

Case1:爬山you can do it!冇

「有一次去爬山,去到某個位自己想放棄,呢個位換轉喺香港,香港男仔大數Saron反應都會叫你唔好試,驚你受傷或者會想『呵』住你,但當時班外國朋友就同我講『you can do it!』,佢地唔覺得女仔就係弱者要過份特別嘅保護,反而會鼓勵同俾信心你!」

 

Case2:外貌you are so beautiful

「喺香港人眼中,我自己唔係身形好瘦好靚(香港人眼中多數瘦=靚)嗰type,好多香港男仔、同性朋友甚至屋企人一提到身形呢類嘅topics,或多或少都會有啲負面,但外國人就唔會,讚美係佢地成日掛喺口嘅行為,甚至會鼓勵你,令你feel good and confident!」

 

Case3:懷孕it’s ok

「好似我依家有咗bb,過程中成日都會唔舒服或者好多嘢都會唔方便做,但我老公就會push同俾信心我,唔會覺得懷孕會令我變成弱者。」

S  SaronBrett香港婚禮

 

 

冧爆好處大晒冷

情人眼裏出西施,在Saron眼中,Brett除了擁有自己所喜愛的西方人優點外,還有很多很多優點,令大家相處上異常地契合!「你感覺上佢係一個好Talkive嘅人,但其實佢之所以健談,係建基於佢會好顧及別人感受呢種性格。例如有一次同朋友食飯,當佢察覺到有位朋友唔多講嘢,佢會主動撩佢講嘢,唔想聚會上有人被忽略!另外佢都係個好顧家嘅人,因為家庭喺佢心目中地位好重,加上喺香港佢朋友唔多,所以由我哋相識到結婚三年幾以嚟,佢都唔會無尾飛陀,即使佢做緊自己嘢,都會想有我喺佢隔離!有時都會覺得佢幾痴身,不過自己又幾鍾意咁樣<3

S  SaronBrett 於加拿大的婚禮

 

 

藍眼睛的獨特見解

細問下,原來Brett是個non-stop拍拖的男生,豐富的作戰經驗下亦work out出一套對亞洲女生的見解!

 

Observation1亞洲女生

Brett佢話外國女仔都好女權,相比下亞洲女仔會soft返啲,而且會喺適當時候show到温柔一面;加上佢好family mind,所以比較覺得同亞洲女生相處會舒服啲!

 

Observation1婚後出軌

Brett嘅見解都幾搞笑,佢話外國人基本上十二、三歲已經識得拎張假身份證去酒巴,由十幾歲wild到廿幾歲,咩都玩夠,所以好似佢咁去到廿歲尾就會想認認真真談婚論嫁;反觀亞洲人,成個青春期都係掛住讀書然後揾工,戀愛上閱歷唔多之後又簡簡單單拍拖結婚,中間連出去玩嘅機會都少得可憐,婚後點可能唔『身痕』?」

 

S  倆人的白菜妹健康成長(快要出世了!)

 

後記

20121月相識至20137月加拿大註冊結婚,再到20143月發現懷孕,Saron的愛情故事,都令人聽得雙眼發光,甚至幻想著在未知的將來,有著同意怦然心動的遇見與結局!話說回來,SaronBrett的寶寶白菜妹也快將出生了,套一句老掉牙的話-They lived happily ever after 

 

~ 全文完 ~

 

 

 

Saron的專頁: 一三年夏天,嫁了去加拿大。 

 

【延伸閱讀】

 

私房菜的私房秘笈

情訂浪漫法蘭西<3 (上篇)

 

 

版權所有 不得轉載及翻印(詳情請參閱本站的服務條款)

 

#Tagging
Shopping bag     cancda     加拿大     mama     CTG Special         
Lizzzy.C
其他文章
Login with Facebook

Not yet reviewed by any member. You can be the FIRST one to write a review.
還沒有發表評論,您可以成為第一位發表評論的人。
Top 10 Fashion 時尚