Beauty Fashion Relationship Living Gossip Members
Views: 5410    6/11/2014    14:51
書店奇緣 我的異國愛情故事!(上篇)

當普遍人認為過埠新娘的故事,多由異地戀而起,事實卻是姻緣這回事從來就不按章出牌,更没規律可言!土生土長的Saron 便是由為一次書店奇緣,遇上了人生中最重要的那個他!再次證明,Love can happen anytime

 

Page One奇緣

綠份確實是世上最unexpected的東西,誰又會想到下一秒的轉角,會遇上了誰?當時還在讀大學的Saron,便是於又一城 Page One 書店 遇上她生命中的Mr. Right、現任老公Brett!「記得當時已經係黃昏時候,書店唔太多人,我同都係喺入邊睇書,期間大家有啲眼contact,然後佢就突然行過嚟,主動同我傾計;可能因為係外國人嘅關係,加上佢又好friendly,所以自己都冇咩戒心!佢超健談,之後我哋仲坐低喺入邊間coffee shop度繼續傾,傾到啲staff都趕走我們,商場都關門,連火車尾班車都過咗,都未傾完!諗返起都真係幾誇張!」

 

S Saron的大學畢業

 

Facebook的疑惑

這段 Page One 奇緣到底是霧水姻緣還是可以開花結果的真愛?當晚倆人已經互相交換了 facebook!「嗰陣我就嚟畢業要揾工,而佢當時係做 head hunter ,所以勁主動咁又send資料俾我,又話可以教我點面試。大家識咗一日佢就咁熱情,令當時我有啲受寵若驚!」

 

面對熱心又 nice 的 Brett, Saron 當刻已經好感大增!不過礙於彼此不過認識了三、兩天,當然先不敢幻想太多啦!所以面對他之後的邀約,亦只抱著平常心!「之後佢約我去睇 drama,成晚約會 overall 都好開心好正常;當晚我哋一路傾計一路行到去 IFC 平台附近,突然間佢想攬住我,其實當刻感覺已經好好!」之後的故事,基本上大家都猜到了,加上 Brett 那種超 straight forward 且坦白的性格,令 Saron 對倆人的關係更有信心!

S 倆人一起在香港過新年

 

超極速發展

Brett: “ What do you want?”

Saron: “ I want a family, I want to be a mum and have a good husband…. “

 

這道問題,包含著無限期待,亦令 Saron 與 Brett 整個愛情故事加速發酵!「第二次見面嗰晚,夜闌人靜,佢已經問我『what do you want?』(一個好唐突嘅問題,full version其實係”what do you want in your life”,)事實上,Brett 知道的是 Saron 在愛情上與自己的想法是否一致,而當時 Saron 的答案亦令他好有信心,想繼續發展的心便更熾熱!

 

那一夜後,超 aggressive 的 Brett 已經很快融入 Saron 的生活,倆人亦很快已經開始計劃未來!「拍咗拖冇幾耐,我已經好快同啲朋友話佢就係我可以負托終身嗰位,亦都好快計劃幾時訂婚、結婚同生小朋友!我感覺自己可以好信任佢,即使大家關係未係好長,但都唔會怕將自己往後嘅人生交俾佢!」

 

S BrettSaron的朋友們

S 見家長了!

 

三個月的洗禮

言談間,會發覺 Saron 十分鍾情外國的生活及文化,甚至笑言自己自從一次美國之旅後,便深信自己只可能與外國人拍拖!能有如此強烈的體會,到底那趟旅程發生了什麼事?

 

「去美國之前自己咁啱失戀(愛情長跑),當時自信心好低亦好唔開心,之後參加咗三個月嘅美國工作體驗,令我性格上有個大突破!可能始終係去到一個完全陌生嘅地方,所以有好大空間去突破以前俾自己嘅框框!例如喺香港講英文,朋友可能會好介意啲口音,但喺外國佢地係唔會介意,覺得溝通到咪得囉,唔會斟酌太多!」

 

當然,旅行的過程到底會有怎樣的經歷,也很 depends,但至少 Saron 這種爽直開朗的性格,確是挺適合外國那種自由自在的文化!

 

S 倆人在加拿大的冬天

 

一個超極速發展的戀愛,故事的發展會否更值得你期待呢?文字上的故事未完待續,下星期編者這位說故事的人,再延續 Brett 跟 Saron 的故事吧!以下先送下倆小口故事發展的時間,再賣個小關子,Cocktailgirl 們敬請期待下星期的書店奇緣 我的異國愛情故事!(下篇)!

 

 

 

 

 

 

Saron的專頁: 一三年夏天,嫁了去加拿大。 

 

【延伸閱讀】

One's的花飾手作(上)

私房菜的私房秘笈

情訂浪漫法蘭西<3 (上篇

 

版權所有 不得轉載及翻印(詳情請參閱本站的服務條款)

#Tagging
Shopping bag     加拿大     canada          CTG Special         
Lizzzy.C
其他文章
Login with Facebook

Not yet reviewed by any member. You can be the FIRST one to write a review.
還沒有發表評論,您可以成為第一位發表評論的人。
Top 10 Fashion 時尚