Beauty Fashion Relationship Living Gossip Members
Views: 4997    12/9/2014    18:32
Pink Coffee 城市中的藝術陽台

你會以什麼準則去選擇一間Café 呢?是地點?裝潢?特色小食?咖啡?「梗係去食佢個氣氛同環境啦!」如果你是以上一類人的話,Pink Coffee 不會令你失望。你可以坐在大型露天陽台享受手上的Espresso,感受微風吹送的悠閒。想來刺激一點?可以趁週末到來參與不同本地Artist 及組織合辦的Workshop,帶走不同的經驗與回憶!

 

位於長沙灣的Pink Coffee 已經來到第二間分店,有別於其他café的是注重食物之餘,希望建立一個平台,讓更多活動在這裡發生,藉由串連不同的單位,著重人與人之間的聯繫。雖然叫Pink Coffee,但店中並沒有任何粉紅色的元素,負責人Fung 就解釋其實想取Pink的背後意義,粉紅色給人年輕、有活力、有創意及很溫暖的感覺,同時應從多方面去看同一樣事物,就如Coffee Shop 不只是飲飲食食,背後都可以是一個很Lifestyle 的地方,大家可以在這個地方找到自己的空間及分享這個平台。

Pink Coffee選到D2 Place開業的原因是看中了D2 Place 由工廈轉變成為商場的意念,在香港相當少見!「一個商場包含咗好多FashionDesign 嘅元素,又會展示學生嘅畫作,相當重視文化與藝術,同我哋Pink Cafe 嘅理念好相似。同時D2 係一個新商場,我哋目前只係第二間分店,依然係好初階,希望可以與D2 Place一齊帶多啲新鮮感俾大家。」

在過去的暑假Pink Coffee就邀請了不同的機構,如非牟利機構、教育機構、攝影組織等單位合作,為它們提供場地舉行Workshop,透過這個地方將它們的訊息宣揚出去。「上星期六就邀請到香港一個較新嘅耕種技術,叫「魚菜共生」,利用養魚嘅水去種菜,宣揚喺工廠大廈內都可以做到有機耕種,當日有講座同試食環節;星期日就有一個非洲鼓Workshop,每人有一個迷你嘅非洲鼓,可以喺上面Painting製作一個屬於自己嘅非洲鼓帶返屋企。」

非洲鼓親子班

▲女生攝影活動,與閏蜜的咖啡時光

▲店中所賣的沙律都是選材自「魚菜共生」的有機菜

 

現在,經營一間只提供咖啡、Cheesecake Coffee Shop 已經不夠滿足大家的要求,咖啡店好自然會聯想到生活與藝術,這才算真正的「生活態度」嘛!一向與藝術共生的Pink Coffee很支持本地的Artist,「間唔時我會去到PMQJccac,一嚟我自己都鍾意藝術有關嘅東西,發掘唔同嘅Artist,如果遇到自己鍾意嘅Artist 就會主動邀請佢地參與活動或者合作舉行Workshop。」擁有一個寬闊露台的Pink Coffee 的確具備了先天優勢,「其實好多人都鍾意呢個露台,有活動舉行時,間開一邊都可容納到二十幾人,另一邊可以繼續經營Coffee Shop。」Fung 還跟大家預告接下來的秋冬日子,希望會邀請一些音樂單位來到露台舉行活動!

大家都會將空閒時間花費到Coffee shop,嘆杯咖啡,品嚐一份沙律,與朋友閒傾,坐上34小時,所以小編認為要留著客人的心,精緻而舒服的環境絕對功不可沒!「我哋覺得喺裝修上未必需要到好Grand,但坐落嚟最緊要舒服;另外我哋所用緊嘅燈都係比較有特色,好多人見到都會話鍾意!」

▲大量自然光照到Coffee shop 內,感覺和暖

 

嘆完Pink Coffee 的環境,當然要試試他們的咖啡及主食啦!向來對咖啡有研究的Fung 提到Pink Coffee 是選用公平貿易的咖啡豆,而且每個星期都會轉換品種,提供多變的口味,同時支持公平貿易組織;另外主打就是品酪冰系列,其實是不同咖啡口味的沙冰,相當消暑。說到受歡迎的食品當然少不了Pink Coffee 自創的三式窩夫,一次過有齊蜜桃、藍梅及士多啤梨口味,不用心大心細選擇困難,份量大小跟朋友分享就最完美喇!

Pink Coffee 另一自創食品,牛油牛角包

 

▲Caffe Latte 與 芒果熱情果品酪冰

 

 

後記:

近年香港特色的Coffee Shop 愈開愈多,大概是城市人都開始留意到放慢腳步的好處,難得有一天假期不用每次都「Chur 到盡」由天亮玩到天黑,反而找一間寧靜而坐得舒服的Coffee Shop 與朋友渡過已經很快樂,這個週末你又會選擇Pink Coffee 嗎?

 

Pink Coffee

Facebookhttps://www.facebook.com/PinkCoffeeHK

地址:Shop 305, 3/F, D2 Place, 9 Cheung Yee Street, Cheung Sha Wan, Hong Kong

 

延伸閱讀:

 

 

版權所有 不得轉載及翻印(詳情請參閱本站的服務條款)

#Tagging
cocktailgirl shopping bag     ctg whiten     Pink Coffee                   
shirokuma
其他文章
Login with Facebook

係你嗎 (會員)
發表於 15/9/2014 16:44:31

但佢嘅裝橫一D都不pink
回覆  ·      ·  0
 
Top 10 Gossip 熱話